आणि हे करत असताना, हे काम मी माझ्या भल्यासाठी करतो आहे, कुणा दुसऱ्यासाठी नाही हा विचार मनामध्ये पक्का असणाऱ्या लोकांचा एक समूह म्हणजे “ प्रयास यवतमाळ.”
आणि म्हणूनच प्रयास यवतमाळ, हे नाव यवतमाळ शी संबंधित वाटत असले तरी त्याची व्याप्ती खूप मोठी आहे. या विचाराने प्रेरित झालेले प्रयासी संपूर्ण जगात या विचाराने काम करीत आहे.
अगदी तरुणपणात सामाजिक कार्याचा वसा घेतलेले डॉ अविनाश सावजी, प्रयास सेवांकुर संस्था अमरावती चे संस्थापक अध्यक्ष हे आमचे प्रेरणास्त्रोत, ज्यांनी आम्हाला हा आनंद मार्ग दाखविला, त्यावर चालण्याची शक्ती दिली व आजही ते आमच्या पाठीशी खंबीरपणे उभे आहेत.
त्यांच्या प्रेरणेतून आम्ही पहिला नियोजनबद्ध, मासिक व प्रेरणादायी ” आम्ही बी घडलो तुम्ही बी घडाना ” हा स्वप्न वेड्या माणसांशी संवादाचा कार्यक्रम चालू केला एप्रिल 2014 पासून व तो सलग 40 महिने चालला. हा कार्यक्रम आमच्यासाठी सुद्धा प्रेरणादायी ठरला. त्यामुळेच आम्ही संवादा वरून कृती वर उडी मारून, निरनिराळे समाजाभिमुख प्रकल्प हाती घेऊन ते पूर्ण केले. काही कामात आलेले अपयश सुद्धा आमच्यासाठी दिशादर्शकच ठरले.